طريقه عمل الشوروز churros
طريقه عمل عجينه الشوروس
المكونات تكفي: 3 اشخاصوقت التحضير: 10 دقايق
وقت الطهي: 7 دقايق
المكونات:
1 كوب دقيق
1 كوب مايه
معلقه سكر
ربع معلقه ملح
نص معلقه قرفه
معلقتين زيت
طريقه التحضير:
نحط المايه عالنار والقرفه والزيت والسكر والملح
واول ما تغلي نحط الدقيق ونقلب بسرعه بمعلقه خشب لحد ما الدقيق يختلط بالمايه
وبعدين نرفعها من عالنار علي رخامه ونعجنها كويس اوي ونسيبها تبرد
وبعدين نحطها فكيس حلواني وننزلها زي بلح الشام ونقليها فزيت كتير تكون حرارته متوسطه مش عالي اوي ولا واطي اوي
وبعدين لما يبقي لونو احمر كده استوي نرفعو من الزيت نحطو ف السكر والقرفه وبيتقدم معاه صوص شوكلاته او صوص فراوله
تعليقات
إرسال تعليق