تحميل كتاب سميرة خاص بديكور الحلويات حصريا

طريقه عمل سندوتشات البرجر بالجبنه شغف الطهي
مقادير لحمه البرجر 

الكميه:             2 ساندوتش
وقت التحضير:   30 دقيقه
وقت الطهي :   20 دقيقه

المكونات:

350 جم لحمه بقري مفرومه من الضهر او الريش مع الدهن
1 بصله صغره
معلقه زبده
2 شريحه جبنه شيدر
توابل: 1/2 بابريكا
1/2 معلقه 
1/4 معلقه بصل بودره
1/4 معلقه ثوم بودره
1/2 معلقه سكر بني او عادي
1 معلقه ملح
1/2 معلقه فلفل اسمر

مكونات العيش: 

-2 عيش برجر
2 معلقه مايونيز
2 معلقه كاتشب
معلقه زبده في حراره الغرفه(لينه)
1 بصله
1 طماطم
1 خيار مخلل
خس ايس بيرج (كابوتشا)

تحضير العيش:- نقطع العيش نص بالعرض وندهنه زبده من القلب .
-وعلي نار هاديه جدا في طاسه تيفال نحط العيش 5 دقايق لحد مايتحمص من القلب.
-ندهن ناحيه كاتشب وناحيه مايونيز.
نقطع الخضار شرايح ونحط  علي طبقه العيش اللي تحت خس عليه طماطم عليه البرجر وعليه الخيار المخلل والبصل وطبقه العيش التانيه.

طريقه التحضير:

- نفرم اللحمه فرمه واحده بس وش واحد .
-نفرم البصل بالسكينه. وفي طاسه عالنار نحط معلقه الزبده ونشوح البصل لحد ما يصفر بس.
- لما البصل يبرد نصفيه من الزبده علي منديل ونحطه عاللحمه.
-نخلط التوابل مع بعض ونحط كميه مناسبه عاللحمه ونقلبها .
-نعمل البرجر كور كل حصه 150 جم .
- نحطها فـ فورمه برجر ونشكلها علي شكل البرجر و يكون سمكه مش اقل من 1 سنتي.
- نحطها في التلاجه ساعه قبل الاستخدام وممكن نحفظها ف الفريزر لو حبينا .
-نسخن الشوايه و نشويها علي نار حرارتها متوسطه. او ممكن في طاسه .
-نخلي بالنا ماتستويش اوي لان اللحمه المفرومه عموما لما تستوي بتنشف وطعمها بيروح ممكن نرفعها قبل السوي الكامل ونولع الفرن علي نار هاديه  وندخل االبرجر عليه الجبنه الشيدر لحد ماتسيح وتبقي كده جاهزه.
وبيتقدم مع بطاطس مقليه.
ملحوظه:  ممكن نحط مع البرجرمشروم او بيف بيكون او موتزريلا او بصل مكرمل اى حاجه نحبها