السلام عليكم ورحمة الله وبركاته
موقع أم سيرين لكل ما يهم المرأة المغربية والعربية يقدم
سلو أو سفوف بدقيق القمح الكامل صحي ولذييييذ
للأخت صفاء جزاها الله عنا كل خير
مقادير سلو أو سفوف بدقيق القمح الكامل صحي ولذييييذ
2 كيلو و نصف من دقيق القمح الكامل يكون محمر(كناخدو القمح حبوب ونحمروه في الفران من بعد كطحنوه)
كيلو لوز مصلوق ومفسخ و محمر في الفران على عافية مهيلة { ممكن تقليوه الى حبيبتو } و مهرمش
كيلو كاوكاو محمر و مقشر و مطحون مزيان
كيلو زنجلان محمر نصفو مطحون و النصف الاخر نخليوه صحيح
500 غ سكر كلاصي
3 م.ك نافع مطحون و مغربل
3 م.ك حبة حلاوة مطحونة و مغربلة
2 م.ك قرفة مدقوقة
1 م.ص كوزة
2 مسكة حرة مدقوقة
قبصة ملح
500 غ زبدة
500 مل زيت زيتون خفيفة ( ممكن تشريوها من كارفور)
عسل حر الكمية على حسب الحلاوة لبغيتو
طريقة تحضير سلو أو سفوف بدقيق القمح الكامل صحي ولذييييذ بالصور
في كسرونة كنديرو الزبدة و الزيت و العسل حتى يذوبو و نخليوهم على جنب حتى يبردو شويش
في هاذ الاثناء كنخلطو جميع النواشف مع بعضها ماعدا الزنجلان لي ممطحونش و نحاولو نفكو لكوييرات، و نضيفو خليط الزبدة و العسل و الزيت و ندلكو مزيااااان حتى نحصلو على خليط متجانس ديال سلو المعروف , و كل واحد و كيفاش كيبغيه يا ناشف يا شويش مزيت انا خليتو ناشف الى بغيتوه يكون ميدم كثر زيدو الزبدة او زيت لي بغيتو , نزيدو الزنجلان لي صحيح و نخلطو الكل و نديرو المقدار لي بغينا في طبق التقديم و نزينوه بحبات من اللوز المحمر و الباقي نحتفضو بيه فشي سطل , نخليكم مع الصورتوضح أكثر طريقة تحضير سلو أو سفوف
تعليقات
إرسال تعليق