حياكم الله
اليوم معنا مكرونه لذييييذه وسهله وبصوص حلو وجديد هو صوص السمك المحار بحط لكم صورته
وهذي جزء من المقادير ،،
اول شي نقطع حبه بصله مع شوية ثوم ونحمسها بشوية زيت ع النكار
بعدها نقطع صحن صدور دجاج مكعبات ونضيفها للبصل
ونخليها تتسبك مع بعض الى مايبدا يستوي الدجاج نضيف فلفل رومي مكعبات
وفلفل اسود ومكعب ماجي
ونخليها يتسبك مع بعض شوي ،،
بعدها يجي دور صوص سمك المحار ،، الصوص هذي صورته
وتلقونه بالتميمي مو باي محل انا مالقيته وسويت صوص قريب منه عباره عن ،، كميات متساويه اربع ملاعق من كل من
صلصة الصويا
خل ابيض
وشطه ونخلطهم مع بعض
بعدها نضيف الصوص لخلطة الدجاج الي على النار ،،
ونضيف مقدار نص كاس كاتشب احمر
ونخليها تتسبك مع بعض على نار هاديه ،،
بعدها نسلق المكرونه طبعا كيس كامل ،، اي نوع تحبونه والافضل الي تكون شكل فيونكه ،،
وبعد سلقها نجيب صينيه تدخل الفرن ونحط المكرونه فيها
ونحط خلطة الدجاج فوقها
ونخلطهم مع بعض ،،
بعدها نسوي خلطة عباره عن ملعقتين كبار جبن كاسات وعلبه قشطه ونخففهم بشوي مويه
ونصبه فوق المكرونه ،،
وبعدها ع الوجه نحط جبن موزريلا او جبن موزريلا مع تشدر حسب الي تحبونه ،،
وندخلها الفرن تتحمر من فوق ،، ،تاكلونها بنفس الوقت وهي حااااره
وبالعاااااافيه عليكم ،،
،،،
تعليقات
إرسال تعليق