طريقة تحضير دجاج محمر للمناسبات بالمراحل المصورة

السلام عليكم ورحمة الله وبركاته

موقع أم سيرين لكل ما يهم المرأة المغربية والعربية يقدم طريقة تحضير دجاج محمر للمناسبات بالمراحل المصورة

طريقة تحضير دجاج محمر للمناسبات بالمراحل المصورة

للاخت ام اسامة وايمان جزاها الله عنا كل خير

مقادير دجاج محمر للمناسبات

4 دجاجات كل ماكانو صغار كيكونو ألذ ونحاولو يكونو في نفس الوزن تقريبا

8 حبات بصل كبيرة

ربيطة متوسطة معدنوس

1 راس كبير ثوم

م ص سمن حار

م ص قرفة

قرفة عواد

م ص معمراش كامون

م ص إبزار

م ص عامرة سكنجبير

نصف م ص خرقوم

5 زعفرنات

شوية زعفران شعرة أنا ماعملتوش

م ص ملح

4 حبات قعقلة أو الهيل

4 حبات نويويرة

كاس زيت بلدية وكاس زيت رومية

ربع حامضة مصيرة كبيرة

للتدغمير: الكبادي د الدجاج+زلافة زيتون اخضر مقطع+ حامضة مصيرة

للتزيين: التمر + عقدة اللوز + اللوز مقلي

طريقة تحضير دجاج محمر للمناسبات بالمراحل المصورة

طحنت المعدنوس والثوم وو 3 حبات بصل وضفتهم على الزيت والتوابل

خلطت الشرمولة وشرملت بيها الدجاج وثقبتو مزيان باش يتشرب الشرمولة وطبعا دخلتها بين الجلد واللحم وفي كل الفراغات إدا كان عندنا الوقت كل ما خليناه مرقد يكون أحسن مثلا من الليل للصباح او من الصباح لليل الشرمولة كتساعد باش الدجاج يكون فتي وكيطيب أسرع