حياكم الله ،،
هالبوست باذن الله راح يعجبكم وحابه نغير شوي عن مجرد طبخات ،،
قررنا انا وصديقاتي قبل اسبوعين تقريبا نجتمع وحبينا نغير بجمعتنا شوي
واخترنا انها تكون
طبعا القرار كان بين يوم وليله وحاولت نستعد له بما فيه الكفايه لان في اشياء كثيره كان ببالي اسويها وماقدرت
لضيق الوقت ،، بس باذن الله بعض الاشياء الي سويتها تلهمكم شوي في الترتيب لمثل هالليله ،،
استعدووو وخذو لكم فيشار ،، ونبدا التقرير ،،
اول شي رحت مكان مثل ابو ريالين عندنا بملبورن عشان اشوف وش عندهم افكار لمثل هالليله ،،
طبعا هنا من كثر الاشياء تحتار وش تاخذ وش تخلي ،،
انا اخترت تكون الالوان احمر وابيض واسود وهي الالوان المتعارف عليها لجو السينما ،،
اخذ من عندهم اكواب البوب كورن وكاسات وصحون واغراض الصوصات ومناديل وكل هالاشياء لون واحد
وهذا شكل الطاوله بالكامل ،،
ثاني شي ،، البوب كورن هو اهم وجبه بهالليله ،،
استخدمة البوب كورن تبع الميكرويف لذيييذ جدا وسهل وسريع مررره ويجي بنكهات
وهذي صورته لاهل ملبورن تلقونه بكولز
استخدمت نكهتين منه بالزبده والجبن وكلها لذيييذه وفيه منه لايت
اما بالنسبه لاهل السعوديه فانا دايم استخدم هالفشار ،،
الشي الثاني حطيت شيبسات منوعه
وسويت لها dip
هذي ثلاث انواع من الصوصات بحط لكم طريقتها وباذن الله تعجبكم ،،
صوص الزبادي ،،
علبه زبادي
ربع ملعقه ثوم
رشة فلفل اسود
رشة ملح
رشة كمون
نص ليمونه
نخلطهم كلهم مع بعض بالمضرب اليدوي
صوص الماسترد والعسل
علبه زبادي
ملعقه كبيره ماسترد
ملعقه كبيره عسل
رشة ملح
فلفل اسود
نخلطهم بالمضرب اليدوي
الصوص البرتقالي
علبه زبادي
فنجان قهوه صوص فرنسي قودي وهو افضل شي واذا مافيه حطو صوص ثاوزند ايلاند
رشة ملح
رشة فلفل اسود
رشة بابريكا
وممكن اذا حابين تضيفون اي بهار سبايسي عندكم
تنخلط مع بعض بالمضرب اليدوي
وجهزت على جنب مشروبات بارده
بالنسبه للقعده انا كان ودي احط فرشه ع الارض وارمي مخدات واحط اضئات وننسدح كلنا ونتفرج
شي مثل كذا
لكن لضيق الوقت ماقدرت اجهز هالشي لكن باذن الله المرات الجايه اكثر
بعدها نجهز للموفي طبعا اخترنا الموفي قبلها بيوم
وحملته من موقع سينما العرب
طبعا مانسيت اني جهزت لي قهوه عربيه وحلا ههههههه
شبكت اللاب توب بالتلفزيون عن طريق سلك HDMI
وهنا من بعيد ،، طبعا لما بدا الفلم طفينا كل الانوار ..
وهنا لما اشتغل الفلم ،،
طبعا عشانا كان بعد الفلم ،،
وسويت لازانيا ،،
وسلطة الباذنجان
وطريقة اللازانيا والسلطه نزلتها من قبل بحسابي بالانستقرام
وورق عنب صاحبتي سوته لذيييذ مرره
وبكذا اتمنى انكم استمتعتم بهالبوست ،،
شكرا لكم
تعليقات
إرسال تعليق