المقادير
أولا العجينة
عدد 2 كوب دقيق
و2 ملعقة زيت زيتون
بيضة
نصف كوب لبن - حليب
خميرة بيرة + ملعقة سكر
الطريقه
نضع الخميرة فى طبق وعليها السكر ونقلبها سوا لغاية ما تتفاعل
وبعدين نحط الزيت على الدقيق ونخلطه
وبعدين نحط الخميرة وبعدين البيضة واخيراً اللبن
يفضل يكون دافئ علشان العجينة تتعجن بسهوله
ونعجنها كدة ونغطيها بقماش نظيف ونتركها فى مكان دافئ لمدة ساعة علشان تختمر
ثانيا الخلطة
عدد 2 كوب عصير طماطم
حبة فلفل اخضر مقطع صغير
حبة بصل احمر مقطع صغير
و1/2 كوب مشروم
و1/2 كوب لحم مفروم ومعصج
و1/2 كوب زيتون اخضر واسود مقطع صغير
و3 فصوص ثوم
زيت ذرة
جبنة موتزريلا
ملح وفلفل
الطريقه
نضع ملعقة زيت ذرة فى حلة على النار ولما يسخن الزيت نحط عصير الطماطم ورشة ملح وفلفل اسود
واول ما تغلى الطماطم نهرس الثوم عليها ونسيبها على نار هادئة لغاية ما تتسبك
بعدها اضيف كل الخضروات على التسبيكة
(المشروم واللحم المفروم والزيتون والبصل والفلفل الاخضر)
وبعدين اجهز صينية البيتزا بدهنها بقليل من الزيت
واجهز المكان اللى هافرد فيه العجينة وارشه بالدقيق واجهز النشابة اللى هافرد بيها
وارش عليها دقيق برضوا علشان العجينة مش تلزق فيها واجيب العجينة بعد ما اختمرت
واخبطها بقبضة ايدى علشان تفرغ الهواء وبعدين افردها وبعدين اشيلها واحطها فى الصينية كدة
وبعد كدة افرد عليها الخلطة وارش عليها الجبنة الموتزريلا كدة
وادهن العجينة بقليل من زيت الزيتون وادخلها فرن درجة حرارته 200 درجة لمدة 30 : 40 دقيقة
مع مراعاة ان الجبنة لونها ما يتغيرش - يعنى ما تفتحيش الشواية
تعليقات
إرسال تعليق