حلوى لاكريم باردة عائلية 10 او 12 الناس - هدى اليداري
لاجينواز : 350 غ بيسكوي مطحون + 100 غ اللوز محمر بالقشرة ومهروش رقيق + 100 غ الزبدة نص علبة حليب مركز محلى كراميل + 100 غ شكلاط ابيض + فاني
الطريقة : الزبدة في كاصرول + الحليب المركز المحلى + فاني + شكلاط ابيض قطع صغيرة على نار مهيلة و انا كنحرك حتى يدوب ومن بعد نطفي البوطة ونضيف اللوز و البيسكوي نخلط ونخليه يرتاح 5 دقايق
ناخد اطار 30/40 يعني كبير ونسرحها من بعد ما تبرد وسط الاطار تحت منو طرف ديال الكارطون
نص ايطرو كريم فريش حلوة وتكون ديال الحلوى نطلعها مزيااان بالطراب الكهربائي حتى تنشف
ونضيف عليها 2 فلون كراميل + بكية لاموس فاني + نص علبة حليب مركز محلى كراميل + 6 قطع فرماج مربع + روح النوكا م ص + اللوز معسل في الكراميل تقريبا 150 غ
طريقة تعسال اللوز : ناخدو اللوز 150 غ بالقشرة ندهنو ب م ك ديال الزيت ونحمرو في الفران على نار مهيلة ونخليه حتى يتحمر بحيث مللي نقسم اللوزة من لداخل يكون لونها مارو
ومن بعد نحضر الكراميل : 100 غ سنيدة + 2 قطرات الخل في كاصرول ونحرك باليد ديال الكاصرول حتى يدوب و يولي اللون بني ونضيف اللوز ونحرك بملعقة عود ونخويه فوق ورق الطهي مبلل بالماء او ساشي
نهرس داك اللوز ونطحن واو نضربو بالمدلك يكون رقيق
ندير الكريمة على لاجينواز وندخلها المجمد 6 ساعات
نرش اللوز ايفيلي محمر في الجوانب و الوجه نزوقوا بالناباج 4 م ك مخففة يعني مطرب شوية + نص م ص حليب مركز محلى ونديو فوق الوجه كاملة وندير لاشونتيي في الجوانب على شكل وريدات ونزوق بالسوري زاو نكتب بالشكلاط
تعليقات
إرسال تعليق