الحووشى

طريقة عمل الحووشى بالعجينة بالبيت

أحلى السندوتشات وأجمل أكلة ..

المقادير ..

لعمل العجين : كيلو دقيق , ذرة ملح , ملعقة كبيرة خميرة , ملعقة كبيرة سكر ,

1/4 كوب زيت , ماء دافئ للعجن .

الحووشى : كيلو لحم مفروم , 2 بصلة كبيرة مبشورة , ثمرة طماطم مبشورة ,

فلفل اخضر مقطع قطع صغيرة جدا , ملح , فلفل , توابل حووشى .

الطريقة ..

اولا - ( العجين )

نحضر طبق كبير نضع فية الدقيق والملح والخميرة والسكر وبعدين نضع

الزيت ونقلبهم كويس مع بعض ثم نعجن بالماء الدافئ لحد ما يتكون معانا عجينة

ونقوم بتشكيلها الى كور ونرصها فى طبق مرشوش دقيق ونسيبها تخمر .

ثانيا - ( اللحمة )

نحضر طبق كبير ونضع فية اللحمة المفرومة ونضع علية البصل والطماطم والفلفل الاخضر

والملح والفلفل وتوابل الحووشى ونقلبهم كويس ونسيبهم شوية .

ثالثا -

بعد ما العجينة تخمر ناخد كورة من العجين ونفردها وبعد كدة نضع اللحمة المفرومة

فى جنب من العجينة ونفرد فى الجنب دة اللحمة ونقفل الجنب الاخر من العجين عليها

ونضغط عليها كويس .

وبعد الانتهاء من الكمية نرصها فى صاج .

ممكن نرش على وشها سمسم وحبة البركة.

وندخلها الفرن لحد مايستوى ويحمر

من فوق ومن تحت وبعد ذلك نخرجة من الفرن ويقدم مع السلطة

الخضراء وسلطة الطحينة .
ملحوظة : ( أهم حاجة فى الحووشى ان اللحمة تكون ملبسة مش حمرا )

وبالهنا والشفا .

http://fnoonel6abkh.blogspot.com/

https://www.facebook.com/dido.dema/

طبخ