السلام عليكم .. اكيد البيتزا للأطفال ..الكبار ما رح يتحملوا ياكلونها من كثر الحلويات والسكر اللي فيها .. بس الاطفال بيدعون لي لما يشوفونها .. انتوا تقدرون تضيفيون الحلويات اللي تبونها انا ما كان متوفر عندي غير الانواع اللي اضفتها .. بس لو تشترون الحلويات اللي تشبه مكونات البيتزا اكيد شكلها بيكون احلى وانت وافكارك وشطارتك .. الوصفة سهلة ومو متعبة ابدا جربوها وان شاء الله تعجب عيالكم ..
المقادير:
مقدار من عجينة الكوكيز
تشوكليت تشبس
شوكولاتة بيضاء
مارشمالو صغير
حلويات صغيرة مشكلة
الطريقة:
جهزي اي عجينة كوكيز سهلة عندك انا سويت كوكيز بزيت الزيتون وسويته بزيت الذرة وما اضفت له تشوكليت تشبس .. احضري صينية لخبز البيتزا .. افردي مقدار مناسب من عجينة الكوكيز بشكل متساوي ..
قطعيها مثلثات مثل البيتزا 
اخبزيها في فرن 180 درجة مئوية رقم 4 حتى تتحمر من اسفل واعلى .. تقريبا 10-15 دقيقة .
بالسكين افصلي الاطراف وحركيها حتى يسهل نقلها الى طبق التقديم بعد تزيينها .
ابدئي بتزينها بجزء من الحلويات .. ثم ابرشي عليها شوكولاتة بيضا لتشكل طبقة مثل الجبن المبشور .. ثم رصي طبقة ثانية من الحلويات .. او زينيها على حسب رغبتك .. ضعيها في طبق التقديم وقطعيها وقدميها .. وصحتين .
تعليقات
إرسال تعليق