القلقاس

المطبخ المصرى

مشاركة من: سماح

المكونات:

- 1 كيلو قلقاس.

- ½ كيلو لحمة ضانى أو بقرى مقطعة مكعبات.

- بصلة كبيرة مفرومة ناعم.

- 5 فصوص ثوم مفرومة ناعم.

- 2 حزمة سلق.

- 2 ملعقة كبيرة كزبرة مفرومة ناعم.

- 1 ملعقة كبيرة زيت.

- 2 ملعقة كبيرة سمنة أو زبدة.

- ¼ ملعقة صغيرة حبهان(هيل) مطحون.

- 4 فصوص مستكة (مسكة).

- 1 ملعقة كبيرة ملح.

- 1 ملعقة صغيرة فلفل أسود.

الطريقة:

1- إسلقىِ اللحمة فى كمية من الماء وضيفىِ لها البصلة المفرومة والحبهان والمستكة والملح والفلفل الأسود.

2- قشرىِ القلقاس وقطعيه مكعبات، وضيفيه لشربة اللحم وهى بتغلىِ وسيبيه (إتركيه) لحد ما يطرىَّ.

3- إفرمىِ السلق فى الكَّبة، وإضغطىِ عليه باليدين لتصفيته تماماً من السوائل، وضيفىِ السوائل للقلقاس واللحمة.

4- سخنىِ الزيت فى مقلاية، وحمرىِ فيه السلق وإدعكيه بظهر الملعقة لتنعيمه لحد ما يبقى صلصة خضرة سميكة، وضيفيها للقلقاس.

5- ذوبىِ السمنة فى المقلاية، وضيفىِ لها الكزبرة المفرومة والثوم وحمريهم مثل تقلية الملوخية، وضيفيهم للقلقاس وسيبيه لحد ما يستوىِ (يَنضج).

طبخ