السلام عليكم ورحمة الله وبركاته
موقع أم سيرين لكل ما يهم المرأة المغربية والعربية يقدم كيكة بدانيت كراميل و كريمة الكوك المحمر أكثر من رائعة بالصور
للأخت امة الله جزاها الله عنا كل خير
مقادير كيكة بدانيت كراميل و كريمة الكوك المحمر
مقادير الكيك
مقادير الكيك
(العبار بكاس دانون دانيت ديال 90غ)
5 بيضات
كاس دانيت بالكراميل
3 كيسان سنيدة
3/4 كاس زيت
كاس كوك محمر ومطحون
4 معالق كبار قهوة معصرة
3 كيسان طحين
3 خمارات
مقادير كريمة الكوك محمر
1/4 لتر حليب
3 معالق كبار سنيدة
3 معالق كبار كريم باتسيير
80غ شكلاط
معلقة كبيرة الزبدة
5 معالق كبار كوك محمر
مقادير كلاصاج
دانيت بالكراميل
100 غ شكلاط ابيض
كمية من الكوك عادي وكوك محمر
طريقة تحضير كيكة بدانيت كراميل و كريمة الكوك المحمر
تحضير الكيك
طربي البيض مع سنيدة وقريصة الملح
نقصي من سرعة الخلاط و زيدي الزيت و القهوة و دانيت والكوك
زيدي الطحين مغربل مع الخميرة و حركي بسباتيل فرغي الخليط في قالب الكيك
ودخليها للفرن طيب بحال أي كيكة عادية و خليها تبرد
تحضير كريمة الكوك محمر
عملي الشكلاط مع الزبدة يذوب
وفوق نار مهيلة عملي الحليب مع غبرة الكريم باتسيير و سنيدة وحركي حتا يعقاد
ملي يعقاد زيدي الشكلاط الموب ثم الكوك المحمر
قسمي الكيكة على جوج و سرحي الكريمة وغطيها بالطبقة الثانية ديال الكيكة وحتا جناب الكيكة
تحضير الكلاصاج
في بان ماري كتسخني دانيت و تزيدي الشكلاط حتا يدوب و سرحي فوق الكيكة
وكتعملي نقيطات كبار بشكلاك اسود مذوب مع شوية الحليب
و كتعملي خطوط عشوائية وتحصلي على شكل رخامي
وفي جناب خوذي كمية من الكوك و نفس الكمية من الكوك المحمر خلطيهم
وزيني بيه جناب على هذا الشكل
ثم قدمي كيكة بدانيت كراميل وكريمة الكوك محمر
بالصحة والراحة
بالصحة والراحة
تعليقات
إرسال تعليق