حياكم الله
اليوم معنا طريقة عيش السرايا وهو حلا شرقي لذيذ جدا يشتهر اكثر شي في بلاد الشام
ويرجع سبب تسميته بالسريا وهي تعني القصر ،، ان هالحلو كان مفضل للطبقه الحاكمه والاغنياء
فسمي بعيش السريا
اول شي طريقته سهله مرره ومايحتاج اشياء كثيره ،، وطعمه لذيذ خاصه للناس الي تحب الحلويات الشرقيه
المقادير ،،
كيس توست
كاستين حليب سايل مع ملعقتين سكر
ملعقتين كبيره نشاء مذوبه بمويه عاديه
نص كاس سميد
قشطه التاج
وشيره
وفستق للتزيين
نبدا اول شي نقطع التوست على شكل دوائر صغيره بحجم الصينيه المتحركه
 |
وهذي الدائره الي كانت داخل الصينيه قصيت عليها حجم التوست بس الافضل لما تقصون تخلون التوست اكبر من حجم الدائره عشان لما نحطه بالصينيه يمليها مره
وتقدرون ماتقصون ولا شي مجرد تقصون حواف التوست وتحطونه بصينيه بايركس عاديه
بس انا سويت كذا عشان ابغى الشكل يكون مرتب لي
بعدها نصف التوست بصينيه
وندخلها الفرن تتحمر من فوق وتحت
بعدها نحطها في الصينيه
ونصب فوقها شيره
ونخليها على جنب
ونسوي الخلطه البيضاء الي فوق
على النار بقدر نحط الحليب السائل مع ملعقتين السكر
ونخلي الحليب يغلي شوي
وبعدها نذوب النشاء بمويه عاديه وبعده مايغلي الحليب نحطه فوقه
الى مايبدا يثقل الخليط شوي نحط القشطه
وبعدها السميد
وبعدها نحرك بالمضرب اليدوي الى مايثقل اكثر ،،
بعدها نصبه بالصينيه
وندخله الثلاجه يتماسك ويبرد والافضل نسويه قبل بيوم ،،
ووقت التقديم نزينه بفستق او اي شي تحبونه ،، واذا حابين نرش شوية شيره فوقه ،،
،مه القهوه احلا واحلا ،،
وبالعااافيه عليكم ،،
،،،
تعليقات
إرسال تعليق