همبرجر فيش بالحوت – هدى اليداري
زلافة الفورص + زلافة القمح بالنخالة ديالو حفرة في الوسط ندير فيه م ك حليب غبرة + 3 م ك زيت العود + م ص زبدة + ملح + خميرة الخبز م ك مدوبة مع قبصة سنيدة في ماء دافي و في الجنب ديال الدقيق ندير خمارة حلوى + قبصة ثوم غبرة و بصلة غبرة تقريبا ربع م ص وممكن اضافة الزعتر شوية ونعجن بالما دافي
العجين يكون خفيف ونغطيه نخليه يخمر نص ساعة الى ساعة الا ربع و نخليه حتى يتنفخ ونديها ونجيبها حتى يخرج منها الهواء
نحربلها بالنخالة الغليظة ونقطعها كويرات صغار ونلولبها
او نسرحها بالمدلك ما تكونش رقيقة ونقطعها بزلافة
نستف الخبيزات في لاطة فوق ورق الطهي او في لاطة مدهونة بزيت و مرشوشة بالنخالة ونخليها تخمر 45 دقيقة
ندهن بالشيتة وجه الخبيزات بالما باش يجي اللون دهبي وكدلك نرش قطرات الما بين الخبيزات وندخلها الفران
الحشوة : كفتة السمك ديال الميرلا كبيرة او الفرخ + الربيع او السيبوليط + ملح و ابزار + ثوم غبرة + بطاطا مصلوقة في ما وملح وممعوسة + نص م ص بودرة الحليب + م ص عصير الحامض ونعجن الكل ونديرهم خبيزات
و ندوزهم كاملين في البيض ثو شابلير و نعاود ندخلهم المجمد ساعة في علبة بيناتهم بلاستيك او ما بين 2 ميكات
ندهنهم بالزيت وندخلهم الفران يتحمروا
نديرهم في السوندويتش مع الخضر خضراء الخص و مطيشة و كورنيشو .......
تعليقات
إرسال تعليق